Dünya futbolu
Ançelotti “Real”da 150-ci qələbəsini qazandı
20.01.2025 | 13:45
Karlo Ançelotti İspaniyanın "Real" klubunda baş məşqçi kimi 150-ci qələbəsini qazanıb.
Sports.az "Opta"ya istinadən xəbər verir ki, yubiley qalibiyyəti La Liqanın 20-ci turunda "Las Palmas"la oyuna (4:1) təsadüf edib.
O, İspaniya çempionatında bu rəqəmə çatan 22-ci mütəxəssisdir. Paytaxt təmsilçisini baş məşqçi kimi 210 qarşılaşmaya çıxaran Ançelotti bunların 34-də heç-heçə edib, 26-da isə məğlub olub.
"Kral klubu"nun tarixində rekord Migel Munyosa (257) məxsusdur.
"Real" hazırda 46 xalla La Liqada liderdir.
