Raspadori İtaliya klubunda

“Atletiko”nun hücumçusu Cakomo Raspadori yenidən İtaliya A Seriyasına qayıdıb. Daha əvvəl “Napoli”nin formasını geyinmiş 25 yaşlı futbolçu karyerasını “Atalanta”da davam etdirəcək.

Sports.az xəbər verir ki, bu barədə İtaliya klubunun mətbuat xidməti açıqlama yayıb.

Transferin maliyyə detalları açıqlanmasa da, “Atalanta” Raspadorinin keçidi üçün “Atletiko”ya 22 milyon avro ödəyib.

İtaliyalı forvard cari mövsümdə İspaniya La Liqasında 12 oyunda iştirak edib və 1 məhsuldar ötürmə verib.

20 turdan sonra A Seriyasında 31 xal toplayan “Atalanta” turnir cədvəlinin 7-ci pilləsində qərarlaşıb.