Yarımmüdafiəçisi “Barselona”dan getmək istəyini bildirdi

“Barselona”nın 18 yaşlı ispan hücumameylli yarımmüdafiəçisi Pedro “Dro” Fernandes Kataloniya klubundan ayrılmaq istəyir.

Sports.az xəbər verir ki, “Dro” müvafiq istəyini “blauqrana”nın alman baş məşqçisi Hans-Diter Fliklə bildirib.

Bu halda, “Dro” təzminat olaraq Kataloniya klubuna 6 milyon avro məbləğində ödəniş edəcək. Gənc futbolçu gedişi ilə bağlı məsələni müzakirə etmək üçün tezliklə müvafiq görüşlər keçirəcək.

Vurğulanır ki, müvafiq məqam “Barselona”da azacıq sarsıntı yaradıb. Belə ki, Kataloniya klubu istedadlı futbolçusu ilə peşəkar müqavilə bağlamaq niyyətində idi, amma klub cari ilin yanvar ayının 12-də 18 yaşlı tamam olmuş “Dro” ilə müvafiq müqaviləni bağlamağı çatdırmayıb.