“Qarabağ”ın rəqibi onlarla da vidalaşdı
"Ayntraxt" baş məşqçisi Dino Toppmöller ilə yollarını ayırdıqdan sonra köməkçi məşqçilərlə də vidalaşıb.
Sprots.az xəbər verir ki, klubun rəsmi açıqlamasına görə, texniki heyətdə yer alan bir neçə mütəxəssislə əməkdaşlıq qarşılıqlı razılaşma əsasında dayandırılıb.
Belə ki, Frankfurt klubu köməkçi məşqçilər Stefan Buk, Nelson da Silva Morqado və Xaver Zembrodla yollarını ayırıb. Digər köməkçi məşqçi Yan Fisser isə komandada fəaliyyətini davam etdirəcək.
Buk və Morqado kluba 2023-cü ildə, Zembrod isə 2024-cü ildə qoşulmuşdu. Onlar sabiq baş məşqçi Dino Topmöllerlə birlikdə çalışaraq ötən mövsüm komandanı Bundesliqada 3-cü pilləyə və UEFA Avropa Liqasının 1/4 finalına daşıyıblar.
Xatırladaq ki, UEFA Çempionlar Liqasında "Qarabağ"ın növbəti rəqibi olan "Ayntraxt"ı Bakı səfərində müvəqqəti olaraq əvəzedici komandanın baş məşqçisi Dennis Şmitt meydana çıxaracaq. Matç yanvarın 21-də Tofiq Bəhramov adına Respublika Stadionunda keçiriləcək və saat 21:45-də start götürəcək.
