“Brayton” bu göstəricidə Premyer Liqada liderdir
İngiltərə Premyer Liqasında 22-ci turun oyunları başa çatıb.
Sports.az xəbər verir ki, turun diqqətçəkən qarşılaşmalarından birində “Brayton” səfərdə “Bornmut”a məğlubiyyətdən son anda xilas olub.
Matçın əsas vaxtına əlavə olunmuş dəqiqələrdə vurulan qol “qağayılar”a bir xal qazandırıb. Həmin qola matçın start heyətində yer almayan Xaralambos Kostulas imza atıb. Yunanıstanlı futbolçu oyunun bitməsinə təxminən 15 dəqiqə qalmış meydana daxil olub və əvəzetmənin nə qədər uğurlu olduğunu sübut edib.
Beləliklə, bu mövsüm Premyer Liqada ehtiyat oyunçularının vurduğu qolların sayına görə “Brayton” turnir cədvəlində liderdir. Əvəzetmədən oyuna daxil olan futbolçular “qağayılar”ın heyətində artıq 9 qol vurublar ki, bu da liqada ən yüksək göstəricidir.
“Brayton” hazırda Premyer Liqada turnir cədvəlinin 12-ci, “Bornmut” isə 15-ci pilləsində qərarlaşıb.
