Kapitan əməliyyat olundu

“Napoli”nin müdafiəçisi və kapitanı Covanni Di Lorenso uğurlu əməliyyat olunub.

Sports.az xəbər verir ki, bu barədə klubun rəsmi saytı məlumat yayıb.

İtaliyalı futbolçu A Seriyasının son matçında “Fiorentina”ya qarşı oynayarkən diz bağlarını zədələmişdi. Zədə ciddi olduğundan, cərrahi müdaxilə zəruri idi və əməliyyat uğurlu keçib.

32 yaşlı futbolçu yaxın günlərdə reabilitasiya prosesinə başlayacaq. Onun bərpa müddətinin təxminən iki ay davam edəcəyi bildirilir.

Di Lorenso cari mövsümdə bütün turnirlər daxil olmaqla 32 oyuna çıxıb, 1 qol vurub və 3 məhsuldar ötürmə verib.