İngiltərəli futbol agentləri “Milan”la əməkdaşlıqdan qaçırlar

Məlum olduğu kimi, “Kristal Pelas”ın fransalı mərkəz hücumçusu Jan-Filipp Mateta “Milan”a qoşulmaq məqsədilə “rossoneri”nin düşərgəsində keçdiyi tibbi müayinədən uğursuz çıxaraq, “qartallar”ın düşərgəsinə qayıdıb.

Sports.az xəbər verir ki, müvafiq məqam ingiltərəli futbol agentlərini “Milan”a “qara damğa” vurmağa təhrik edib.

Belə ki, bu agentlər “Milan”la iş birliyini vaxt itkisi hesab edirlər. “Milan”ın qəbul etdiyi müvafiq qərarları isə ftbolçunun gələcəyinə zərbə vuracaq məqam kimi qiymətləndirirlər. Agentlər ötən mövsümdə nigeriyalı mərkəz hücumçusu Viktor Bonifase ilə bağlı oxşar hadisəyə işarə vuraraq, “rossoneri” ilə əməkdaşlıqdan çəkinirlər.