“Beşiktaş”dan növbəti transfer

“Vulverhempton”un müdafiəçisi Emmanuel Aqbadu İngiltərəni tərk edərək, karyerasını “Beşiktaş”da davam etdirəcək.

Sports.az xəbər verir ki, bu barədə Türkiyə klubunun mətbuat xidməti məlumat yayıb.

Fil Dişi Sahilindən olan futbolçu “canavarlar”da keçən ilin sentyabrından çıxış edirdi. O, cari mövsümdə 17 oyunda iştirak edib və 2 məhsuldar ötürmə verib. “Transfermarkt” portalına görə, 28 yaşlı müdafiəçinin bazar dəyəri 18 milyon avrodur.

“Beşiktaş” Türkiyə çempionatında 20 turdan sonra 36 xal toplayaraq turnir cədvəlinin 5-ci pilləsində qərarlaşıb. Komanda lider “Qalatasaray”dan 13 xal geridir.