Mourinyo Premyer Liqaya qayıda bilər

“Benfika”nın baş məşqçisi, portuqal mütəxəssis Joze Mourinyo İngiltərə Premyer Liqasında yenidən çalışa bilər.

Sports.az xəbər verir ki, İngiltərə futbolunun nəhənglərindən adı açıqlanmayan biri, “Mour”un “qartallar”ın sükanı arxasındakı işini müşahidəsi altında saxlayıb.

Təxmin edilir ki, Mourinyo işini uğurla davam etdirəcəyi halda, Premyer Liqaya qayıda bilər.

Xatırladaq ki, Joze Mourinyo İngiltərədə əvvəllər “Çelsi”, “Mançester Yunayted” və “Tottenhem”i uğurla çalışdırıb.