“Atletiko” gələn həftə əfsanəsi ilə vidalaşa bilər

Madrid “Atletiko”sunun əfsanəsi, 34 yaşlı fransalı hücumçu Antuan Qrizmann gələn həftə “döşəkçilər”lə vidalaşa bilər.

Sports.az xəbər verir ki, veteran hücumçu MLS təmsilçisi “Orlando Siti” ilə müqavilə bağlamağa çox yaxındır.

MSL-də transfer pəncərəsiin mart ayının 26-na qədər açıq olacağını nəzərə alsaq, martın 7-də “Metropolitano”da “Real Sosyedad”a qarşı İspaniya La Liqasının 27-ci tur oyunu Qrizmann üçün “döşəkçilər”lə doğma meydanda vida oyunu ola bilər.