Konfrans Liqası: 1/8 finalın püşkü atılacaq

Konfrans Liqasında 1/8 final mərhələsinin püşkü atılacaq.

Sports.az xəbər verir ki, tədbir UEFA-nın İsveçrənin Nyon şəhərindəki mənzil-qərargahında baş tutacaq.

Pükatma mərasimi bu gün, Bakı vaxtı ilə saat 17:00-da start götürəcək.

Bu raundda Liqa mərhələsini ilk "8-lik"də başa vuran komandalar və pley-offun qalibləri iştirak edəcəklər.

Liqa mərhələsinin ilk “8-liy”i: “Strasburq” (Fransa), “Rakuv” (Polşa), AEK (Yunanıstan), “Sparta” (Çexiya), “Rayo Valyekano” (İspaniya), “Şaxtyor” (Ukrayna), “Maynts” (Almaniya), AEK (Larnaka, Kipr).

Pley-off mərhələsinin qalibləri: “Kristal Pelas” (İngiltərə), “Lex” (Polşa), “Samsunspor” (Türkiyə), “Çelye” (Sloveniya), “Alkmar” (Niderland), “Fiorentina” (İtaliya), “Riyeka” (Xorvatiya), “Siqma” (Çexiya).