De Zerbi İngiltərə nəhəgini çalışdırmağa hazırdır

Məlum olduğu kimi, “Mançester Yunayted” rəhbərliyi “qırmızı şeytanlar”ın sükanını cari mövsümün sonuna qədər müddətə ingilis mütəxəssis Maykl Karrikə müvəqqəti surətdə həvalə edib.

Sports.az xəbər verir ki, hazırda İngiltərə nəhəngi daimi əsasda baş məşqçi seçimlərini baxışdan keçirməkdədir.

Vurğulanır ki, klubun nəzərdə tutduğu namizədlərindən biri, bir müddət əvvəl Marsel “Olimpik”indən qovulmuş italyan mütəxəssis Roberto De Zerbi “qırmızı şeytanlar”ı çalışdırmağa hazırdır.

Xatırladaq ki, De Zerbi İngiltərə Premyer Liqasında iş təcrübəsinə malikdir. İtalyan mütəxəssis 2022–2024-cü illərdə “Brayton”u çalışdırıb.