Çempionlar Liqasında həftənin ən yaxşısı məlum oldu

UEFA Çempionlar Liqasında 1/8 final mərhələsinin ilk matçlarının ən yaxşı oyunçusu müəyyənləşib.

Sports.az xəbər verir ki, “Real”da çıxış edən Federiko Valverde həftənin ən yaxşısı seçilib. Bu barədə turnirin mətbuaat xidməti məlumat yayıb.

Uruqvaylı yarımmüdafiəçi UEFA-nın rəsmi saytında azarkeşlər arasında keçirilən sorğuda Mikael Olise (“Bayern”), Xulian Alvares (“Atletiko”) və Xviça Kvaratsxeliyanı (PSJ) qabaqlayıb.

Valverde “Real”ın “Mançester Siti”ni məğlub etdiyi oyunda komandasına qələbə qazandıran (3:0) qolları vurub.