“Neymarı yenidən milli komandada görməyə ümid edirəm” -Rafinya

“Barselona”nın və Braziliya millisinin hücumçusu Rafinya Dias, Neymarın yığma komanda ilə birlikdə qarşıdan gələn dünya çempionatına getməsini istəyib-istəməməsi ilə bağlı suala cavab verib.

Sports.az xarici KİV-ə istinadən xəbər verir ki, braziliyalı futbolçu, həmyerlisi haqda bunu deyib:

“Neymar fantastik oğlandır. Heç kim onun bacarığına, oyunların, dünya çempionatının taleyini həll edə biləcəyinə şübhə etmir. Həm meydanda, həm də meydandan kənarda Neymarın azarkeşi olaraq, onu yenidən milli komandada görməyə ümid edirəm”.

Neymar Braziliya millisində 128 oyun keçirib, 79 qol vurub və 59 məhsuldar ötürmə edib. O, hazırda Braziliyanın “Santos” klubunda oynayır.

DÇ-2026 bu ilin yayında ABŞ, Meksika və Kanadada keçiriləcək.