“Borussiya”dan Emre Canla yeni müqavilə

"Borussiya" (Dortmund) yarımmüdafiəçisi Emre Canla müqavilənin müddətini uzadıb.

Sports.az xəbər verir ki, bu barədə klubun mətbuat xidməti məlumat yayıb.

32 yaşlı Türkiyə əsilli futbolçu ilə yeni sözləşmə 2027-ci ilin yayına qədər qüvvədədir.

Emre Can 2020-ci ilin yanvar ayından bəri "Borussiya"da çıxış edir. 2025/2026 mövsümündə yarımmüdafiəçi 16 oyun keçirib və üç qol vurub.

Xatırladaq ki, Emre Bundesliqanın 24-cü turunda "Bayern"lə matçda (2:3) sol dizindən ciddi zədə alıb.