18 yaşlı futbolçu oyunda huşunu itirdi, xəstəxanada vəfat etdi
Kolumbiyanın “Milyonarios” klubunun gənclərdən ibarət komandasının yarımmüdafiəçisi Santyaqo Kastrilyon 18 yaşında vəfat edib.
Sports.az xəbər verir ki, bu barədə klubun mətbuat xidməti məlumat yayıb.
Hadisə şənbə günü gənclər arasında keçirilən ölkə çempionatı matçı zamanı baş verib. Futbolçu qəfildən meydanda huşunu itirib. Ona dərhal tibbi yardım göstərilib, daha sonra isə xəstəxanaya çatdırılaraq kardioloqların nəzarəti altında reanimasiya şöbəsinə yerləşdirilib.
Həkimlərin səylərinə baxmayaraq, gənc futbolçu özünə gəlməyib və vəfat edib. Klubdan verilən rəsmi açıqlamada Santyaqonun ailəsi, komanda yoldaşları və dostlarının əhatəsində son mənzilə yollandığı bildirilib.
Kastrilyon “Milyonarios”un əsas komandasında rəsmi matça çıxmasa da, dəfələrlə oyunların iştirak ərizəsinə salınmışdı.
