Qrizmann MLS klubu ilə müqavilə bağladı

Antuan Qrizmann “Orlando Siti”yə transfer olub.

Sports.az xəbər verir ki, bu barədə klub məlumat yayıb.

Fransalı hücumçunun müqaviləsi iyul ayından, MLS-də yay transfer pəncərəsi açıldıqdan sonra qüvvəyə minəcək. Sözləşmə 2027/28 mövsümünün sonuna qədər nəzərdə tutulub və əlavə uzatma bəndi də yer alır.

Futbolçu bu mövsüm “Atletiko”nun heyətində 43 matçda 13 qol və 4 məhsuldar ötürmə ilə yadda qalıb.