“Tottenhem”in kapitanı La Liqaya üz tuta bilər

“Tottenhem”in kapitanı, argentinalı mərkəz müdafiəçisi Kristian Romero karyerasını İspaniya La Liqasında davam etdirə bilər.

Sports.az xəbər verir ki, Romeronun xidmətində Madrid “Atletiko”su maraqlıdır.

Vurğulanır ki, Romeronun “Tottenhem”lə müqaviləsində “Atketiko” üçün nəzərdə tutulmuş xüsusi maddə var. Belə ki, “döşəkçilər” argentinalı futbolçunu 60 milyon avro məbləğ müqabilində ödəniş etməklə satın ala bilər. Müvafiq maddəni Romero “mahmızlarlar”la müddəti 2029-cu ilin iyun ayının sonuna qədər nəzərdə tutulmuş müqavilə imzalayarkən, razılaşmaya daxil etməyi xahiş edib.