“Barselona” “Real”ın məzununa iddia edir

“Barselona” rəhbərliyi yayda “blauqrana”nın hücum xəttini qüvvətləndirmək niyyətindədir.

Sports.az xəbər verir ki, Kataloniya nəhəngi, “Real”ın məzunu, “Osasuna”da çıxış edən ispan cinah hücumçusu Viktor Munyozun xidmətində maraqlıdır.

Vurğulanır ki, futbolçunun transfer hüquqlarının tam yarısının – 50%-nin məhz “Kral klubu”na aid olması, məsələyə xüsusi rəng qatır.

Əlavə edək ki, Munyoz “Real”ın akademiyasına keçməzdən əvvəl, 2014-2017-ci illərdə məhz “Barselona”nın akademiyasında olub.