Argentina millisində ciddi itki

Argentina milli komandasının heyətində ciddi itki baş verib.

Sports.az xəbər verir ki, bu barədə tanınmış insayder Fabritsio Romano məlumat yayıb.

O, "Strasburq"un (Fransa) hücumçusu Xoakin Panikellinin diz bağlarından zədə aldığını bildirib. 23 yaşlı forvardın 6-7 ay meydana çıxa bilməyəcəyi gözlənilir. Bu isə o deməkdir ki, futbolçu yayda keçiriləcək dünya çempionatını buraxacaq.

Qeyd edək ki, Xoakin Panikelli bu mövsüm "Strasburq"un heyətində 39 matçda 20 qol vurub və 4 məhsuldar ötürmə edib.