Karyerasını qolla tamamladı

Braziliya millisinin sabiq üzvü Vaqner Lav aktiv futbolçu karyerasının son oyununa çıxıb.

Sports.az xəbər verir ki, 41 yaşlı hücumçu son matçında qol vurmağı bacarıb.

O, Braziliyada Nodersdet kubokunda “Retro”nun heyətində “Seara”ya qarşı(3:1) görüşdə 94-cü dəqiqədə rəqib qapısına yol tapıb. Bu qol onun karyerasındakı 423-cü qol kimi tarixə düşüb. 

Lav karyerası ərzində “Palmeyras”, SSKA (Moskva), “Flamenqo”, “Şandonq Lunenq”, “Korintians”, “Monako”, “Alanyaspor”, “Beşiktaş”, “Kayrat”, “Midtyulland”, “Sport Resife”, “Atletiko Qoyaniense”, “Avai” klublarında oynayıb.