Luçesku xəstəxanaya yerləşdirildi

Futbol üzrə Rumıniya millisinin baş məşqçisi Mirça Luçesku xəstəxanaya yerləşdirilib.

Sports.az xəbər verir ki, millinin düşərgəsində olarkən huşunu itirən 80 yaşlı mütəxəssis hospitala aparılıb.

Rumıniya Futbol Federasiyası (FRF) rəsmi açıqlama yayaraq bildirib ki, mütəxəssis Slovakiya ilə oyun öncəsi son məşqin texniki iclas zamanı özünü pis hiss edib və dərhal tibbi heyət tərəfindən ilkin yardım göstərilib.

Xəbərdə qeyd olunur ki, təcili yardım briqadaları da baza sahəsinə çağırılıb və Luçeskunun vəziyyəti sürətlə stabilləşib. Hazırda baş məşqçinin vəziyyəti sabitdir, lakin tibbi protokollara uyğun olaraq, əlavə riskləri istisna etmək məqsədilə o paytaxtdakı xəstəxanaya çatdırılıb və xüsusi nəzarət altında saxlanılır.