“Mançester Yunayted” komandanın baş məşqçisi Erik ten Haqla əmək müqaviləsinin müddətini uzatmağa hazırlaşır və eyni zamanda niderlandlı mütəxəssisin “qırmızı şeytanlar”ın transfer siyasətinə təsirini məhdudlaşdırmaq istəyir.

Sports.az xəbər verir ki, mankunianların rəhbərliyi komandanın məşqçilər qərargahının quruluşunun tənzimlənməsi ilə bağlı məsələlərdə də Ten Haqın təsirini məhdudlaşdırmaq niyyətindədir.

Niderlandlı mütəxəssisin səsinin çəkisi olacağı vurğulanır, amma klub rəhbərliyinə görə, Ten Haq ilk növbədə məşqçiliyə diqqət yetirməlidir. “Mançester Yunayted”in transfer siyasətinə isə klubun yeni idman direktoru Den Eşuort cavabdeh olacaq.

Xatırladaq ki, daha əvvəl mətbuatda, “Mançester Yunayted”in Erik ten Haqla müqaviləsinin müddətini 2 illiyə uzadacağı barədə məlumat yayılmışdı.