“Barselona”nın 27 yaşlı braziliyalı vingeri Rafinya bu yay Kataloniya klubunu tərk etməsə, çətin ki, “blauqrana” yeni oyunçular ala bilsin.

Sports.az xəbər verir ki, Səudiyyə Ərəbistanının bəzi klubları Rafinya müqabilində 80 milyon avro məbləğ təklif etməyə hazırdırlar ki, bu da “Barselona”ya klubun maliyyə vəziyyətinin yaxşılaşdırılmasına xeyli kömək edəcək.

Kataloniya klubu Rafinyanın yerinə Bilbao “Atletik”inin ispan vingeri Niko Uilyamsı transfer etmək istəyir, çünki “Barselona” bu mövqedə şaquli futbola diqqət yetirən daha gənc oyunçu istəyir.

Rafinyanın özünün isə “Barselona”dan ayrılmaq istəmədiyi, Kataloniya klubunun idman direktoru Dekonun isə ona təzyiq etmək fikrində olmadığı vurğulanır.