Argentinalı mütəxəssis Maurisio Poçettino İngiltərə yığmasının baş məşqçisi vəzifəsində Qaret Sautqeyti əvəz edə bilər.

Sports.az xəbər verir ki, Poçettino müqaviləsinə vaxtından əvvəl xitam verdiyi üçün “Çelsi”dən 10 milyon funt sterlinq (11 milyon avro) məbləğində təzminat ödənişinə razılaşıb və indi İngiltərədəki digər işləri nəzərdən keçirə bilər.

Vurğulanır ki, 52 yaşlı mütəxəssis İngiltərə Futbol Assosiasiyası (The FA) tərəfindən, Sautqeytin istefaya göndəriləcəyi təqdirdə İngiltərə yığmasının baş məşqçisi vəzifəsinə əsas namizədlərdən biri kimi görülür.

Vurğulanır ki, Poçettinonun gənc oyunçuları inkişaf etdirmək bacarığı İngiltərə Futbol Assosiasiyası tərəfindən yüksək qiymətləndirilir.