“Barselona” “Mançester Siti”nin yarımmüdafiəçisi Bernardo Silvanı transfer etməkdə çətinliklə üzləşəcək, belə ki, portuqal futbolçunun 60 milyon avro məbləğində sərbəstqalma şərtinin müddəti iyunun 30-da başa çatacaq.

Sports.az xəbər verir ki, “blauqrana” yarımmüdafiəçini transfer etmək istəyir, amma “Barselona”nın maliyyə imkanları transferin baş tutmasına imkan vermir.

“Barselona” Silvanın müqaviləsindəki 60 milyon avro məbləğində sərbəstqalma müddəasından yararlana bilərdi, amma ayın sonunda başa çatacaq bu bənd üzrə ödənişi həyata keçirmək üçün Kataloniya klubunun hələ də vəsait tapmadığı və göstərilmiş müddətə qədər bu məbləği tapa biləcəyinin böyük şübə doğurduğu vurğulanır.