“Barselona”nın yeni baş məşqçisi Hans-Diter Flik, idman layihəsinin açarı olan və digər klublardan transfer təkliflərinin ciddiliyinə rəğmən, bu yay mütləq satılmayacaq oyunçular dairəsini müəyyənləşdirib.

Sports.az xəbər verir ki, hazırda alman mütəxəssis “Barselona”nın altı futbolçusunu “toxunulmaz” elan edib.

Bu siyahıda qapıçı Mark-Andre ter Ştegen, müdafiəçi Pau Kubarsi, yarımmüdafiəçilər Qavi, Pedri, Fermin Lopes və hücumçu Lamin Yamal yer alıblar.

Bütün digər oyunçularla bağlı təkliflərin “Barselona” tərəfindən nəzərdən keçiriləcəyi vurğulanır.