“Napoli”nin prezidenti Kvaratsxeliyanın yayda satılmayacağını bildirdi

“Napoli”nin prezidenti Aurelio De Laurentis komandasının gürcü vingeri Xviça Kvaratsxeliya və futbolçunun agenti ilə görüş keçirib, onlara məlumat verib ki, Neapol klubu 23 yaşlı futbolçunu bu yay satmaq niyyətində deyil.

Sports.az xəbər verir ki, “Napoli”nin yeni baş məşqçisi, italyan mütəxəssis Antonio Konte gürcü vingeri əsas oyunçu kimi gördüyü üçün, Neapol klubunun rəhbərliyi Kvaratsxeliyanı buraxmaq istəmir.

AÇ-2024 başa çatdıqdan sonra “Napoli”nin Kvaratsxeliyaya yeni müqavilə təklifi edəcəyi vurğulanır.