“Real” İtaliya yığmasının müdafiəçisi ilə maraqlanır

“Real” “Bolonya”nın və İtaliya yığmasının 22 yaşlı mərkəz müdafiəçisi Rikkardo Kalafyori ilə maraqlanır.

Sports.az xəbər verir ki, “qaymaqlılar” italyan müdafiəçidə inkişaf etdirə biləcəkləri istedadı görürlər.

Xatırladaq ki, Kalafyori hazırda İtaliya yığması ilə AÇ-2024-də iştirak edir. “Skuadra adzurra”nın rəhbərliyi qitə birinciliyində iştirakı müddətində komandanın düşərgəsini qapalı elan edib – hamı bir nəfər kimi ancaq yığma komandaya diqqət yönəldib. Futbolçuların keçid məsələləri ancaq AÇ-2024-dən sonra müzakirə ediləcək. “Real”ın məhz bu zaman fəallıq nümayiş etdirəcəyi təxmin edilir.