Futbol
“Xoseluya Qətərdə baş çəkəcəyik” - Karvaxal
![](https://sports.az/file/articles/2024/07/01/1719785932_17114011539336.jpg)
01.07.2024 | 14:30
“Real”ın və İspaniya yığmasının sağ cinah müdafiəçisi Daniel Karvaxal ispan hücumçu Xoselunun “qaymaqlılar”dan ayrılması haqda danışıb.
Sports.az xatırladır ki, Xoselu Qətərin “Əl-Qarafa” klubuna keçib.
“Onun getdiyinə görə çox təəssüflənirəm. Bütün günü bir yerdə oluruq, uşaqlarla və s. Əslində, mən keçən il “Real”a onu almağı tövsiyə edənlərdən biri idim, çünki “Espanyol”un yuvarlanacağı təqdirdə onun vəziyyətini bilirdim. O, 18-19 qol vurdu, bizi Çempionlar Liqasının finalına çıxardı, ona görə də bizə verdiyi hər şeyə görə ona təşəkkür etməliyik. Mbappe və Endrikin gəlişi ilə onun imkanlarının azalacağını və xaricdən maliyyə baxımından cəlbedici təklif alacağını başa düşürəm. Biz onu Qətərdə ziyarət edəcəyik”.