“Mançester Yunayted”in sabiq baş məşqçisi, şotland mütəxəssis Aleks Ferqyuson daha əvvəl, rəhbərliyi altında çıxış etmiş portuqal ulduz hücumçu Kristiano Ronaldonun gələcək perspektivlərindən danışıb.

Sports.az şotland mütəxəssisin bu barədə fikirlərini təqdim edir:

“Mən onun 2026-cı ildə də oynayacağını təsəvvür edə bilmirəm. Qarşıdakı illərdə futbol daha da sürətli və daha atletik olacaq. Bundan əlavə, mərkəz hücumçuları üçün daha az yer olacaq. Müdafiəçilərdən fərqli olaraq, hücumçular yaşlandıqca ən yüksək səviyyədə oynamaqda çətinlik çəkirlər.
Daha bir-iki qənimət onun üçün o qədər də əhəmiyyət kəsb etməyəcək. Çünki onun özünəməxsus karyerası olub”.