“Mançester Siti” qapıçısını Səudiyyə Ərəbistanı klublarına satmağa hazırdır

“Mançester Siti” Səudiyyə Ərəbistanı klublarının “şəhərlilər”in və Braziliya millisinin 30 yaşlı qapıçısı Ederson Moraesə maraq göstərməsindən xəbərdardır və onun gedişinə icazə verməyə hazırdır.

Sports.az xəbər verir ki, “şəhərlilər” hələ də “Əl-Nəsr” və ya digər Yaxın Şərq klublarından rəsmi təkliflər gözləyirlər.

Bildirilir ki, Ederson gedəcəyi təqdirdə “Mançester Siti”də “1 nömrə” bu yaxınlarda komanda ilə yenidən müqavilə imzalamış alman qapıçısı Ştefan Orteqa olacaq.