Madrid “Atletiko”sunun və İspaniya yığmasının hücumçusu Alvaro Morata “Milan”ın maraq dairəsindədir.

Sports.az xəbər verir ki, 31 yaşlı Moratanın Madrid klubunda qalmaq istəyinə rəğmən, ispan futbolçu transfer təkliflərini nəzərdən keçirməyə hazırdır/

“Milan”ın keçmiş hücumçusu, hazırda “rossoneri” rəhbərliyinin baş məsləhətçisi əfsanəvi Zlatan İbrahimoviçin “döşəkçilər”in oyunçusunu Milana şəxsən dəvət etdiyi bildirilir.

Morata hələ son qərarını verməyib, amma İtaliya mətbuatı futbolçunun “Milan”a keçid ehtimalını yüksək qiymətləndirir.

Daha əvvəl bildirilmişdi ki, Moratanın Səudiyyə Ərəbistanının “Əl-Kadisiya” klubuna transferi demək olar ki, başa çatıb.