İnyesta Yamalın oyununu qiymətləndirdi: “Bu, azacıq qeyri-təbiidir”

“Barselona”nın və İspaniya yığmasının sabiq yarımmüdafiəçisi Andres İnyesta milli komandanın və “blauqrana”nın 16 yaşlı vingeri Lamin Yamal haqda danışıb.

Sports.az İnyestanın bu barədə fikirlərini təqdim edir:

“16 yaşındakı Lamin Yamalın oyunu haqqında nə düşünürəm? Bu azacıq qeyri-təbiidir, amma istisnalar var. O, adi səviyyədən fərqli, yüksək istedada malik futbolçulardandır. İndi o, oynamağa başlayır. Sabitliyə malik olması üçün öyrənməyə və təkmilləşdirməyə davam etməlidir. Onun 23 yox, 16 yaşı var”.