ABŞ yığmasının sabiq qapıçısı Yurgen Klopu “tovlayır”

“Mançester Yunayted”in və ABŞ yığmasının keçmiş qapıçısı Tim Hovard hesab edir ki, o, “Liverpul”un keçmiş baş məşqçisi, alman mütəxəssis Yurgen Klopu “yankilər”in baş məşqçisi vəzifəsinə cəlb edə bilər.

Sports.az amerikan qapıçının bu barədə fikirlərini təqdim edir:

“Klopun cəmi bir neçə həftə istirahət etdiyini bilirəm və onun dincəlmək istədiyindən xəbərdaram. Ancaq onun İspaniyadakı villasında otursaydıq, düşünürəm ki, onu bura cəlb edə bilərdim. Yüz faiz əminəm. Pul, qeyd-şərtsiz, var. Ona görə də mənim təklifim sadə olardı: onun, Liverpul komandalarındakı kimi, mütərəqqi futbol oynaya bilən bir dəstə gənc oyunçu var. İki ildən sonra isə o, tarixin ən böyük dünya çempionatına gedə biləcək”.