“Salahın yeni müqavilə imzalayacağını təsəvvür edə bilmirəm”

“Liverpul”un keçmiş hücumçusu Con Oldric “qırmızılar”ın və Misir yığmasının ulduz hücumçusu Məhəmməd Salah haqda danışıb.

Sports.az Oldricin bu barədə fikrini təqdim edir:

“Mən başa düşürəm ki, Vircil van Deyk gələn mövsümü “Liverpul”da keçirmək istəyir. O, yəqin ki, formada olanda komandanın ən yaxşı oyunçusudur. Ancaq Salahın yeni müqavilə imzalayacağını təsəvvür edə bilmirəm. Bu vəziyyət çox uzun müddətdir davam edir. Bilmirəm, ortada pul amil olacaqmı, amma hara getsə, Məhəmməd azad agent qismində çox qazanc əldə edə bilər. Bu isə baş verərsə, ona uğurlar. O, hər şeyini “Liverpul”a verdi”.

Xatırladaq ki, 32 yaşlı Salahın Mersisayd klubu ilə cari müqaviləsinin müddəti gələn yaya qədər qüvvədədir.