"Qarabağ"ın qazancı

Bu mövsüm Avropada çıxışını "Olimpiakos"la oyunda bitirən "Qarabağ"ın avrokuboklardakı qazancı bəlli olub.
Sports.az xəbər verir ki, Azərbaycan çempionu indiyədək 8 milyon 600 min avro (təxminən 15,3 milyon manat) gəlir əldə edib. Bu məbləğin 50 faizi Çempionlar Liqasının seçmə mərhələsinin pley-off mərhələsinə, digər 50 faizi isə Avropa Liqasının əsas mərhələsinə vəsiqəyə görədir.
“Qarabağ” Norveç “Bodo-Qlimt”i üzərində 2:1 hesablı qələbəyə görə də 450 min avro (təxminən 800 min manat) irəli düşüb.
Azərbaycan çempionu Yunanıstanda “Olimpiakos”u məğlub edə bilsə, daha 450 min avro, heç-heçə nail olsa 150 min avro (təxminən 266 min manat) qazanacaq.
Artıq 9 milyon avrodan çox qazanan Ağdam təmsilçisi televiziya yayımından və bəzi marketinq gəlirlərindən müəyyən əlavə potensial gəlir də əldə edə bilər.