"Qarabağ" "Olimpiakos"la təxminən 1 saat sonra başlayacaq oyunda dəstəksiz qalmayacaq. 

Sports.az xəbər verir ki, "İmarət Tayfa" azarkeş qrupunun və "İmarət Europe"un üzvləri Azərbaycan çempionunu tək buraxmamaq üçün Pireydədirlər.

Klubun mətbuat xidmətinin rəhbəri Anar Hacıyevin verdiyi məlumata görə, Yunanıstanda az azərbaycanlı yaşasa da, qarşılaşmada komandamızın 50-dən çox həmyerlimiz dəstəkləyəcək.

Onlar əsasən Azərbaycandan gedən "İmarət Tayfa" üzvləri və "İmarət Europd"un qitənin müxtəlif ölkələrindən gələn tərəfdarlarıdı.

Yunanıstanda azarkeşlərimizə ciddi polis nəzarəti var. 

Xatırladaq ki, UEFA Avropa Liqasının Liqa mərhələsi çərçivəsində keçiriləcək "Olimpiakos" - "Qarabağ" oyunu Bakı vaxtilə saat 00:00-da başlayacaq və İctimai TV ilə canlı yayımlanacaq.

Sports.az fotolara görə Şamil Mustafayevə təşəkkür edir.