Güləş/Cüdo
Azərbaycan cüdoçuları Avropa Kubokunda mübarizə aparacaqlar
13.10.2023 | 16:16
Azərbaycanın üç cüdoçusu İspaniyanın Malaqa şəhərində keçiriləcək Avropa Kubokunda iştirak edəcək.
Sports.az xəbər verir ki, sözügedən yarışda ölkənin qadın idmançıları mübarizə aparacaqlar.
48 kq-da Ramilə Əliyeva, 57 kq-da Nərgiz Hacıyeva, 70 kq-da isə Südabə Ağayeva tatamiyə çıxacaq.
Qeyd edək ki, Avropa Kuboku oktyabrın 14-15-də reallaşacaq. Turnirə 35 ölkədən 378 idmançı qatılacaq.
