Rumıniyanın paytaxtı Buxarestdə keçiriləcək Avropa çempinatında iştirak edəcək güləş üzrə Azərbaycan millilərinin ilkin heyətləri bəlli olub.

Sports.az Dünya Güləş Birliyinin (UWW) rəsmi saytına istinadən xəbər verir ki, siyahıya 27 idmançının adı daxil edilib.

Sərbəst güləş: Əliabbas Rzazadə (57 kq), Nurəddin Novruzov (61 kq), Əli Rəhimzadə (65 kq), Kənan Heybətov (70 kq), Cəbrail Qadjiev (74 kq), Orxan Abasov (79 kq), Arsen Coyev (86 kq), Osman Nurməhəmmədov (92 kq), Vahit Qalayev (97 kq), Georgi Meşvildişvili (125 kq).

Yunan-Roma güləşi: Eldəniz Əzizli (55 kq), Nihat Məmmədli (60 kq), Murad Məmmədov (63 kq), Həsrət Cəfərov (67 kq), Ülvü Qənizadə (72 kq), Sənan Süleymanov (77 kq), Rafiq Hüseynov (82 kq), İslam Abbasov (87 kq), Murad Əhmədiyev (97 kq), Beka Kandelaki (130 kq).

Qadın güləşi: Mariya Stadnik (50 kq), Elnurə Məmmədova (53 kq), Gültəkin Şirinova (55 kq), Jalə Əliyeva (57 kq), Alyona Kolesnik (59 kq), Birgül Soltanova (62 kq), Elis Manolova (68 kq).

Avropa çempionatı fevralın 12-19-u aralığında baş tutacaq.