29-31 martda Türkiyənin Antalya şəhərində “Böyük Dəbilqə” turniri keçiriləcək.

Sports.az xəbər verir ki, üç gün davam edəcək turnirdə 94 ölkədən 600-dən çox cüdoçu medallar uğrunda mübarizə aparacaq. 

Azərbaycan yığması yarışda 6 çəki dərəsində 9 idmançı ilə təmsil olunacaq. Cüdoçulara mötəbər yarışda böyüklərdən ibarət yığmanın baş məşqçisi Riçard Trautman, böyük məşqçi Elçin İsmayılov və məşqçi Rüstəm Alimli rəhbərlik edəcək.

Yarışda Azərbaycan Cüdo Federasiyasının “A” kateqoriyalı beynəlxalq dərəcəli hakimi Nazim Umbayev ədalət təmsilçiləri arasında yer alacaq.

-60 kq.
Əhməd Yusifov

-66 kq. 
Ruslan Paşayev
Rəşad Yelkiyev

-73 kq.
Rəşid Məmmədəliyev
Vüsal Qələndərzadə

-81 kq. 
Ömər Rəcəbli

-90 kq.
Vüqar Talıbov

+100 kq.
Uşanqi Kokauri
Camal Qamzatxanov