Bu gün Azərbaycanın üç idmançısı Fransanın paytaxtı Parisdə keçirilən Yay Olimpiya Oyunlarında çıxış edəcək.

Sports.az xəbər verir ki, ilk olaraq güllə atıcımız Ruslan Lunyov 25 metr məsafəyə tapançadan sürətli atəşaçma növündə təsnifat mərhələsində yarışacaq.

Daha sonra atletika (qadınlar, çəkicatma) üzrə yarışan Anna Skidan mübarizəyə qoşulacaq.

Boksçumuz Alfonso Dominqes (92 kq) də bu gün növbəti sınağına çıxacaq. Artıq bürünc medalı təmin etmiş idmançımız yarımfinalda İspaniya boksçusu Emmanuel Reyesi mübarizədən kənarlaşdırmağa çalışacaq.

Olimpiada avqustun 11-də başa çatacaq. Hələlik iki cüdoçumuz - Hidayət Heydərov və Zelim Kotsoyev qızıl medal əldə edib.