Paris-2024: Bu gün üç güləşçimiz, bir taekvondoçumuz yarışacaq

Bu gün Azərbaycanın dörd idmançısı Fransanın paytaxtı Parisdə keçirilən Yay Olimpiya Oyunlarında çıxış edəcək.

Sports.az xəbər verir ki, yunan-Roma güləşi üzrə yığmamızın üzvlərindən Sənan Süleymanov (77 kq) bürünc medal görüşünə çıxacaq.

Sənanın komanda yoldaşlarından Həsrət Cəfərovla (67 kq) Rafiq Hüseynov isə ilk sınaqlarına çıxacaqlar.

Taekvondo yığmamızın yeganə üzvü Qaşım Maqomedov da medallar uğrunda mübarizəyə qoşulacaq.

Olimpiada avqustun 11-də başa çatacaq. Hələlik iki cüdoçumuz - Hidayət Heydərov və Zelim Kotsoyev qızıl medal əldə edib.