Yunan-Roma güləşi üzrə Azərbaycan millisi Albaniyanın paytaxtı Tiranada keçirilən U-17 Avropa çempionatını 6 medalla başa vurub.

Sports.az xəbər verir ki, yığma 118 xal toplayaraq komanda hesabında 2-ci yeri tutub. Kollektiv yalnız Gürcüstandan (185 xal) geri qalıb.

Yunan-Roma güləşçilərindən Turan Daşdəmirov (45 kq) qızıl, Elnar Ziyadov (48 kq), Əli Seyidəlili (51 kq), Ayxan Cavadov (55 kq), Elmin Əliyev (80 kq) və Mahir Qurbanlı (110 kq) isə bürünc medal qazanıblar.