“Heç-heçə mənim üçün yaxşı nəticədir”.

Sports.az xəbər ki, bunu Kanadanın Toronto şəhərində keçirilən İddiaçılar Turnirinin 1-ci turunda rusiyalı Yan Nepomnyaşi ilə heç-heçə edən Azərbaycan şahmatçısı Nicat Abasov deyib.

28 yaşlı qrossmeyster rəqibinin belə oyun sərgiləyəcəyini gözləmədiyini söyləyib: "Məqsədim onu möhkəm saxlamaq idi. Bu, ilk qarşılaşmadır, kəskin və dinamik oynamaq istəmirdim".

Yarış aprelin 22-də başa çatacaq. 8 şahmatçının iki dövrədən ibarət mübarizəsində birinci olan hazırkı dünya çempionu Dinq Lirenlə (Çin) Şahmat Tacı uğrunda oynamaq hüququ əldə edəcək.