Karvaxalın “Qızıl top”a iki namizədi var

“Real”ın futbolçusu Daniel Karvaxal hesab edir ki, “qaymaqlılar”ın braziliyalı hücumçusu Vinisius Junior 2024-cü ildə “Qızıl top”u qazana bilər.

Sports.az Karvaxalın bu barədə fikirlərini təqdim edir:

“Düşünürəm ki, “Vini”nin “Qızıl top”u qazanmaq imkanı ən yüksəkdir. Bəli, o, zədələndi və üç ayı buraxdı, amma yenə də çoxlu qollar vurdu və “Real”ın qələbə qazanmasına kömək etdi. O, La Liqa və Çempionlar Liqasındakı uğurumuzda həlledici rol oynayıb. O, ya da Cud (Bellingem) qalib gələ bilər”, deyə ispan futbolçu bildirib.