AÇ-2024: Bu gün daha 3 oyun keçiriləcək
Bu gün futbol üzrə Avropa çempionatında 1-ci turun növbəti görüşləri keçiriləcək.
Sports.az xəbər verir ki, ikinci oyun günündə A və B qrupunun oyunları reallaşacaq.
Günün ilk matçında - A qrupunun oyunları çərçivəsində Macarıstan və İsveçrə futbolçuları münasibətlərinə aydınlıq gətirəcək. Köln şəhərində baş tutacaq qarşılaşmanın start fiti saat 17:00-da səslənəcək.
B qrupunun ilk görüşü isə paytaxt Berlində gerçəkləşəcək. Saat 20:00-da başlayacaq oyunda İspaniya Xorvatiyanı sınağa çəkəcək.
Günün son oyunu da eyni qrupda baş tutacaq. Saat 23:00-da start götürəcək matçda İtaliya və Albaniya seçmələri münasibətlərinə aydınlıq gətirəcək.
Turnirin açılış matçında Almaniya millisi Şotlandiyanı 5:1 hesabı ilə məğlub edib.
AÇ-2024
A qrupu
15 iyun
17:00. Macarıstan - İsveçrə
Baş hakim: Slavko Vinçiç (Sloveniya).
Köln, “Reyn Enerqi” stadionu.
B qrupu
20:00. İspaniya - Xorvatiya
Baş hakim: Maykl Oliver (İngiltərə).
Berlin, Olimpiya stadionu
B qrupu
23:00. İtaliya - Albaniya
Baş hakim: Feliks Çvayer (Almaniya).
Dortmund, "Siqnal İduna Park" stadionu
