Deşam Mbappenin xəstəxanaya yerləşdirilməsi haqda: “Onun vəziyyəti pisdir”

Fransa yığmasının baş məşqçisi Didye Deşam 2024-cü il Avropa çempionatının qrup mərhələsinin 1-ci turunun Avstriya ilə oyununda (1:0) hücumçu Kilian Mbappenin burnunun zədələnməsindən danışıb.

Sports.az fransız mütəxəssisin bu barədə sözlərini təqdim edir:

“O, özünü yaxşı hiss etmir, vəziyyəti pisdir. O, tibb işçilərinin əlindədir. Mən sizə daha artığını deyə bilmərəm. Onun burnu zədələnib, bu, dəqiqdir. Çətin görünür, bu axşam bizim üçün açıq-aydın mənfi cəhətdir. Qərarlar veriləcək. Mən onun masaj masasında uzandığını gördüm, bu, cızıq deyil. O, diqqət mərkəzindədir, bu, təbiidir. Bacardığımız qədər bütün məlumatları sizə təqdim edəcəyik”.