Konte Kvaratsxeliyanın davranışından narazdır

“Napoli”nin yeni baş məşqçisi Antonio Konteyə Neapol komandasının gürcü vingeri Xviça Kvaratsxeliyanın öz gələcəyi ilə bağlı hələ də qərarsız olması xoş gəlmir.

Sports.az xəbər verir ki, Konte, Kvaratsxeliyanın, eləcə də “Napoli”nin italyan müdafiəçisi və kapitanı Covanni Di Lorentsonun gələcəyi ilə bağlı qeyri-müəyyənliyinin komandanın paltardəyişmə otağındakı ab-havanı pisləşdirə biləcəyindən ehtiyat edir.

Həmçinin vurğulanır ki, italyan mütəxəssis gürcü vingerin “Napoli”nin idman layihəsində ən vacib oyunçu olaraq görür.