Braziliya millisinin keçmiş futbolçusu əfsanəvi Ronaldinyo Amerika Kubokunda millinin oyunlarını izləməkdən imtina etməsini ətraflı izah edib.

Sports.az canlı əfsanənin bu barədə fikirlərini təqdim edir:

“Mən uşaqlıqdan futbolu izləyirəm, futbolçu olmaq haqqında düşünməzdən çox əvvəl və heç vaxt belə pis vəziyyət görməmişdim. Formaya sevginin olmaması, ruhun olmaması və ən əsası futbolun olmaması. Yenə deyirəm, oyunumuz indiyə qədər gördüyüm ən pis şeylərdən biridir. Nə yazıq. Ona görə də bəyan edirəm ki, Amerika Kubokunun heç bir oyununa baxmayacağam və qələbələri qeyd etməyəcəm”.